MISS_ROODY

بلطجية الحرية

2011-11-27T11:49:00.000-08:00

السلام عليكم اولا

كنت قاعدة بفكر كده لقيتنى عيشت 18 سنة ده عمرى كله منه
مثلا نقول 14 سنة يعتبر مرحلة طفولة
يعنى من 4 سنين انا ابتديت اكون راي و ابقى انسانة ليها فكر
بس لما جيت افكر لقيتنى بفكر فى سراب
انا اعترف ان لحد سنة فاتت انا ماكنش عندى اى ادنى مستوى للطموح.........كنت شايفاها سودا و نيلة و قطران
يمكن كلنا كان عندنا نفس الشعور
الشعور اللى بيصيبك لما تلاقى (مافيش فايدة)
الناس بقت وحشة...الدنيا بقت صعبة
ماحدش لاقى شغل, و محدش لاقى العيش الحاف
و ياما ناس كتيير اوى تعبوا و شقيوا و عاملوا مجهود جباااار و فى الاخر ...........ولا اى حاجة!!!
يبقى هاييجى ميني الطموح و انا شايفة كل حاجة حواليا غامقة هباب كده؟؟؟

حتى جاء اليوم المنشود...........اليوم اللى الناس فيه طلعت بمكسب مهم
و هو كسر حاجز الخوف.....مابقاش عندنا الرعب من الحكومة اوى السلطة
الوحش الكبيييييير ده اللى كان مخلى كل واحد حاطط لسانه فى بقه..و قافل عليه بميييييت قفل و قفل
قفل اكل العيش....قفل الشغل........قفل الفلوس.......قفل الحياة...

لكن بفضل الناس دى....(بلطجية الحرية)
انا و انت و كللللللنا ...بقى لينا لسان قد كده
و بنعرف نتكلم كويس اوى...و المواهب طلعت فى تخوين الغير...و السب و القذف.........و بقى لسانا زى السكين....تقطع و ماتوصلش
يبقى بعد كل ده ...اعتقد حراااااااام جدا...لما نلخص الحاكية فى كلمة بشعة زى (بلطجية)
البلطجى مايعمرش...لا يخرب
البلطجى يموت...ما يداويش
البلطجى يسرق....مايحافظش على حاجتك

لو دول بلطجية...امال احنا بقى اللى قلنا عليهم كده ايه؟؟؟
لو دول بلطجية......يبقى ماعملناش ثورة....و المخلوع يرجع تانى بقى و نكمل حياتنا فى استقراااااااار و سلام و حب...زى ما كان معيشنا

اه و بمناسبة الاستقرار............اللى الناس فاهماه استقرار ده ...استحماار
الاستقرار انى اعيش مطمن على حياتى و حقوقى و انا رافع راسى و كرامتى متصانة و عندى احترام لذاتى
مش قوة جبرية معيشانى فى رعب و ذل و مهانة و باخد على دماغى الف مرة فى اليوم...و اقول كله عشان خاطر عيون الاستقرار
مش ده الاستقرار....ده استحقار...استحمار
مهما كان اللى عايشين فيه دلوقتى من عدم امن ......و خوف......و بهدلة
اهون مليووووووووون مرة من اللى كنا بنشوفه ايام مبارك
الناس اللى ماتت.....و الناس اللى غرقت..و الناس اللى اتخرب بيتها...و الناس اللى اتهانت..و اتبهدلت فى امن الدولة و فى غير امن الدولة
الناس اللى عايشة فى صناديق فى الشارع......و الناس اللى بتاكل من الزبالة

و بعدين يقولوا استقرار؟؟؟!!!!!!
لا بقى يبقى يسقط الاستقرار

ليلى....و ...الحلم

2011-07-31T16:33:00.000-07:00

عندما استيقظت من نومها........ظلت تجوب بعينيها فى ارجاء غرفتها حتى تيقنت انها استيقظت......لقد انتهى ذلك الحلم...انتهى .
نظرت الى الساعة الموضوعة على الطاولة بجانب سريرها ....ياللهول!!!! انها الثامنة و النصف....لقد تاخرت!!!
نعم تاخرت..فقد جذبها النوم الى اعماقه فلم تسطع مقاومة سحره الأخاذ....جذبها الى عالمه فصارت لا تستطيع الفرار منه
و كيف تفر و قد رأته.....رأته و هو ينظر اليها...وو يدعوها بحنان عينيه فتنهار هى شيئا فشيئا.....حتى لم تستطع ان تقاوم.
و لكنها سرعان ما تنبهت ان الوقت يداهمها فيجب ان تسرع حتى تلحق بعملها
ذهبت فتوضأت و صلت الضحى ثم ارتدت ملابسها و ذهبت الى عملها.
و فى طريقها تدعو ربها........تدعوه ان يقف بجانبها فلا يتركها تنساق وراء تلك الاحلام .

وصلت الى عملها....مسرعة الخطوات تتمنى الا يراها رئيسها فيوبخها....و لكن كعادة القدر معها....لم يكن بصفها.

دخلت ليلى مكتبها....تتفادى نظرات من حولها.....فهى معتادة تلك النظرات الجارحة...نظرات تتساءل....نظرات تتهم....نظرات تشفق.
كم هو مزعج ان تمر بكل ذلك كل يوم و كل صباح؟؟.....و لكنها لاتفعل شيئا سوى التظاهر بعدم المبالاة.....و ما عساها ان تفعل لتلك النظرات الظالمة....و هى وحيدة ليس هناك من يدافع عنها او يقف بجانبها.

جلست.....و وضعت رأسها وسطة تلك الكومة المتراكمة من العمل......نعم فذلك الحلم لم يفعل شىء سوى ابعادها عن عالمها....فتذهب كل يوم ولا تفعل شىء سوى قليل القليل....ثم تسبح فى ذكرياتها و افكارها....فيسرقها الوقت....فلا تنهى عملها.....و تعود مرة اخرى الى منزلها حيث الوحدة و الغربة.

نظرت الى تلك الكومة ثم شرعت فى العمل حتى تنتهى منه....و لكن كالمعتاد...جذبها الحنين و الفكر الى ذلك العالم الغامض فظلت تسبح به حتى انتهاء موعد العمل...و عادت الى منزلها.

توجهت الى بيتها القاطن بذلك الحى الفاخر.....اخذت تنظر الى شقتها....كم تبدو كئيبة و مظلمة و قد رحل عنها من كان يملؤها حب و دفء و نور.
دخلت تأخذ حماما لتهدأ....ثم ذهبت الى غرفتها فاخذت بضع من تلك الحبات حتى تستطيع النوم.
و مرة اخرى ذهبت الى ذلك العالم الساحر الذى لم و لن تستطع مقاومته.....و لقد رأته...يا الهى !!!
كلما رأته يزداد نورا و حنانا......تنظر اليه فترى تلك البسمة الهادئة على شفتيه....و ترى ذلك الحنان فى عينيه....ترى دفء لم تكن لتراه فى احد غيره.
و لكن هذه المرة لم تكن كأى مرة اخرى...فتلك المرة رأته يمد يده اليها.....يريد ان يلمسها.....مدت يدها.....مدتها....لقد اقتربت....اقتربت...................ولكنها تستيقظ.....تستيقظ حائرة.....مذهولة...لماذا يحدث معها ذلك؟؟؟
حتى حلمها الذى تشتاق اليه تحرم منه؟؟؟؟

قامت فتوضأت و صلت ركعتين..و اخذت تناجى ربها و تدعوه ان يخلصها من عذابها......و ان يظهر الحق و يدحض الباطل.....
ثم خلدت الى نومها..و تلك المرة لم تأخذ تلك الحبات....و لم تحلم ذلك الحلم
ذهبت الى عملها و بداخلها شىء غريب لم تعهده من قبل...و كأن هناك من يشد من ازرها و يثبتها
دخلت الى مكتبها و كعادتهم..زملائها جعلوا ينظرون اليها و لكن هذه المرة تعالت الصحكات و الهمذات و اللمذات
و اشتدت النظرات فشعرت كأنها تخترق عظامها...بل و تقطع من لحمها..... ثم سمعتها....اخرى من زميلاتها : كيف استطاعت ان تفعل ذلك؟؟....أى قلب يستطيع فعل ما فعلت؟؟؟

شعرت و كأن بدنها قد اصابته العلة....و كأن لهيب من النار قد اشتعل بداخلها.....وقد اشتدت حمرة وجهها من الغضب....ثم نظرت اليها و عينيها مليئة بالغضب.....فارتعدت المرأة من الخوف لما لمسته من الغضب و الحنقة
و فجأة شعرت بدوار و سقطت مغشيا عليها..
و لم تشعر ليلى بشىء الا و هى نائمة فى احد الاسرة داخل احدى المستشفيات.....و وجدت حولها بعض زملائها و امها و قد بدا عليها القلق الشديد.......و اخذت تردد: انا لم اقتله...لا...لم اقتله...و كيف لى ان اقتل قطعة منى؟؟؟!!!!
كيف لى ان اقتل من عشت عمرى اتمناه و اترجاه من الله؟؟
كيف لى ان اقتل ابنى؟؟؟؟ّ!!!!!!

ظلت ليلى بالمشفى 3 ايام....خلالها ظلت تستيقظ فتهذى بكلام غير مفهوم ثم تعود الى نومها مرة اخرى
و لم يتسطع الاطباء معالجتها.....فقد تيقنوا ان ما بها هو مرض نفسى اكثر منه عضوى...فيأسوا ان تشفى بالعقاقير..فتركوها تحت رعاية المشفى.

و فى الليلة الاخيرة....كانت تهذى حتى اثناء نومها...فتارة تبكى و تارة تضحك و تارة تصرخ و تارة تتحدث كانما هناك من يجاذبها اطراف الحديث........و فى تلك الليلة رأته مرة اخرى....انه هو ..نعم...انها هى تلك البراءة...ذلك الحنان...تلك الابتسامة الرقيقة...و الدفء الذى يملؤها شوق و حنين اليه.......و لكن تلك المرة لم يمد يده فقط.....بل لقد صرخ :امى امى! اين انتِ.....الن تأتى لتأخذينى؟؟ .......يا الهى!!! لم اكن اعرف انه شعور رائع هكذا......أمى....كم اشتاق ان اسمعها مرارا و تكرارا

فى صباح اليوم التالى.....استيقظت ليلى من نومها و قد بدا على وجهها الاشراق و النضارة و اختفت معالم المرض و الهذيان.....لإرح الجميع و استكان قلب امها الذى كاد ان ينفطر على ابنتها خوفا و رعبا.

صرح لها الطبيب بالانصراف....و قد تأكد انها قد شفيت تماما
خرجت ليلى من المشفى و عبرت الجهة المقابلة لتستقل سيارتها و تذهب الى منزلها.
و لكن...ياللهول...لقد نسيت بعض اغراضى فى الغرفة.....فاضطرت ان تعبر مرة اخرى الى الشارع و لكن و هى تعبر الطريق سمعت امها تصرخ !!!!فنظرت........ فجأة!!!!!!!!

و عادت ليلى مرة اخرى الى المشفى و لكن تلك المرة لم يحتار الاطباء فى علاجها ..فقد .........ماتت!!

ماتت والبسمة تعلو وجهها....فقد ذهبت اليه...لمسته...هدأت من روعه.....ضمته....قالت له :لا تخف يا بنى...فقد اتت امك ولن تتركك ابدا.

انا انظف....أذا انا جروووف

2011-03-21T21:43:00.000-07:00

دى مش تريقة على اللى بينظفوا ماعاذا الله ولا اعتراض على حمى النظافة العظيمة اللى انتابت الناس فى مصر مع انهم عايشين فيها بقالهم كتيير يعنى و شايفنها ولا بقلل من شأن اللى عملوا كده بس اللى محيرنى.........هو الناس فجأة اكتشفت ان مصر فيها زبالة؟؟؟؟؟ ماحنا ياما بنعدى على مقالب زبالة و الناس بتبقى شايفة صندوق الزبالة و مع ذلك ترمى على الارض عااادى!!!!! طيب ايه اللى جرى؟؟؟؟.......حسنى هو اللى كان مانعنا من النظافة؟؟ هو اللى كان ناحس البلد و مخليها معفنة؟؟؟؟؟ طبعا دى روح حلوة و ماهدش يقدر ينكر بس الموضوع ده كان وقتى يعنى تبع حالة الناس فجأة حست ان مصر وطنهم اللى بيحبوه ...... و كل البشر نزلت تنظف و بعدين؟؟؟؟؟؟؟ بعدها باسبوع رجعت ريمة لعادتها القديمة...و الزبالة رجعت تانى موجوده فى الشوارع و الناس رجعت تزعق و تتخانق يعنى التغيير كان وقتى مع حلاوة التغيير و الفرحة بالنجاح كانت الدنيا ربيع و الجو ربابيع و بعدين......ولا حاجة ليه وطنيتنا مرتبطة بوقت محدد ماتش كورة......حرب......خلع نظام؟؟؟ هو انا المفروض ابقى وطنى حبة و باقى الاسبوع انسى انى مصرى؟؟؟؟ و هى الوطنية انى انظف بس...... الوطنية انى احب بلدى تكون حلوة فى كل وقت و ولادها اخلاق و ذوق فى كل وقت نفسى تفضل البلد كده ....صح على طووول...و نفضل ايد واحدة فوق اى حد نفسى مانزعقش ولا نشتم و نتخانق و نعدى لبعض و نفوت و نبتسم و نبطل معاكسات.......بلدنا هاتبقى كده صح صح و تصبحوا على خييييييييييييييييييييييييييييييييييير

هيس.....تهيييسا

2010-09-19T14:11:00.000-07:00

هههههههههههههههههههههههههههههههههههههههههههه
لا ماتخدوش فى بالكو اصلى مرووشة على مصدومة على مسطووولة حاجة كده فخفخينة
انا دخلت المدرسة و عارفة ثانوية عامة بقى و دروس و طحنة و كلللللل الكلام الكتير اللى يحبط و يشل و يجيب اى حاجة فى اى حاجة عاااادى جدا
و احنا كمصرييين متعودين و بالنسبة لنا ده عااااااادى ده بقى روتين و ان ماحصلش يبقى فى حاجة وحشة و يومنا يقلب نكده !!!!!!!!!

بيقولك فى اوروبا و الدول المتقدمة اللى هما بيقولوا عندهم البتاعة ده اللهم ما احفظنا الديموقراطية..........حابس حابس
يوم مايطلع الشعب و يقول عايزين حقوقنا
فى ناس محترمة كده من ام بدل دول يطلعوا و يتكلموا معاهم ....ينفذوا بقى ماينفذوش ده مش القضية المهم ان فى حد يسمعك و يحس بيك و يديك حقك فى التعبير عن الراى
و اراهن كل الرهان ان ماحدش فيهم سمع قل كده عن كلمة (قفا)ههههههههههههههههههههه
و طبعا ده الكلمة المميزة لدى المواطن المصرى
طيب انا ايه اللى خلانى اكتب عن كده
والله ماعرف انا دخلت المدرسة امبارح لقيت خير الله ما اجعله خير
قال ايه الوزير بتاعنا (المبجل) بيقولك لازم تروحوا المدرسة
مدرسة ايه يا عم الحج احنا ثانوية و عندنا دروس
هو كده عجبك اهلا وسهلا
مش عاجبك ....................بلاش اكمل
طيب اسمع يهديك يرضيك
جزمة قديمة و اتحطت مكان دماغه
خلاص قفلت معاه نحضر و ايه كامن نسبة حضور 85% و الا هاناخد انذار و ناخدها منازل
طبعا انا روحت البيت فى حالة من الا وجود و ماحدش يسالنى ايه ديه ...هى كده
طبعا الاسبوع 7 ايام
لا هانمطوهم ولا هاندمجوا فى اسبوع تانى
و انا عليا اخاد الدروس كلها و انزل المدرسة وا اذاكر و انجح بتفوق و اجيب مجموع يدخلنى كلية محترمة
و افضل كما انا بنى ادمة سليمة عقلي و بدنيا و عاقلة و مافصلتش
غير بقى الضغوط الاخرى مش عليا بس ده بياثر فى كل اللى حواليك
و طبعا احنا مطلوب ننفذ رغبة سيادته الخرافية فى العمل الديناميكى الا واعى المتصل
و يكون عندنا نفس نفكر و نبتكر و نطور
طيب ده يرضى مييييييين ده؟؟؟؟؟؟؟؟؟؟؟؟؟؟؟؟؟؟؟؟؟
يعنى نفترض انى بروح المدرسة من 7 لحد 2 و بعدين عندى درس من 4 حتى 6 و بعدين درس تانى من 8 حتى 10
امتى المفروض انى اذاكر
و احل و اتمرن و انام و اريح و اخرج و ابقى طبيعية مثل البشر
لييييييييييييييييييييييييييييييييييييه؟؟؟؟؟؟؟؟؟؟؟
ليييييييه هما عايزين يعذبونا و فى الاخر ادى دقنى ان اشتغلنا
يعنى فعلا ده بلد بتاعت شهادااااات صحيح !!!!!!!!!!

التفكير و الحسبة و التخطيط بجد تعبنى اكتر من المذاكرة
و طووول ما احنا فى ساقية مش هانعمل اى حاجة ولا هانتطور و البلد هاتتاخر بينا و هانبقى جير المستقبل

كل اللى نفسى فيه يبقى لنا صوت و حس
ناس تشوفنا يكون عندنا ارادة لان مش ده بس هى اللى جايبانا ورا
ده فى مليون حاجة و عمرنا ما هانخلص من اللى احنا فيه لما ندعى عليهم
نعمل اللى علينا و نغير و نحسن و نحتج و نرفض و مانخافش
اكيييييييييد ربنا هاينصرنا لان ربنا مع الحق

تصبحوا على خييييييييييييييييييييييييييييييييييييييييييير

امتى نبقى كده ؟؟؟؟؟؟؟؟؟؟

2010-06-11T16:49:00.001-07:00

انا لما شفت الفيديو ده زهلت و صعقت فى حد كده ده ايه ده و ازاى هما كده؟؟؟؟؟؟؟؟؟؟؟!!!!!!!!!!11111 طيب احنا ايه ناقصنا عشان نبقى زى الناس ده احنا حضارة 7000 سنة احنا عندنا ثروات و حاجات تخلينا احسن منهم ليه هما طلعوا و احنا اللى رجعنا ليه هما سبقونا اوى كده ليه و ليه و ليه انا تعبت من كتر السؤال و تعبت كل ما شوف حالنا قد ما الفيديو ده حلو اوى قد ماهو بيحزنى اوى كل ما اشوفه بقول.......................

Hiiiii.......!!!!!????

2010-02-13T13:25:00.000-08:00

هاى....كلمة بتستخدم لما بنيجى نسلم على حد بس (هاى فى المسجد) ......ازاى يعنى؟؟؟!!!!! كنت قاعد فى المسجد و لقيت بنت داخلة علينا و قالتلى : هااى هاى ازاى يعنى ؟؟!!!! على اسا اننا فى مسجد يعنى على الاقل نقول السلام عليكم حتى فى المسجد طيب فين بقى اللى بنتعلموا؟؟ ليه نسينا عروبتنا و بقينا بطريقة بشعة بنقلد الغرب ليه مانعملش زى ما وصانا الرسول و نقول تحية الاسلام ليه مانقولش اطيب كلمة السلام عليكم ده حتى لما بنقولها بتسيب فى النفس راحة كده و بتضفى جو من الحب بين الناس والله لما تخشى على حد و تقولى له السام عليكم و يرد السلام بتبقى بداية جميلة جدا ليه مانعملش كده و نقول هاى و باى على الاقل ده احنا فى المسجد يعنى بيت الله اكيد ليه احترام انا بس نفسى نحافظ على اللى فاضل من كيان المسلمين بحافظ على الشخصية المسلمة بابسط الحاجات ده ابسط الحاجات يا ريت نعملها يمكن تبقى ده سبب فى ان الاسلام يكبر و ينتشر اكتر و اكتر السلام عليكم و رحمة الله و بركاته

مش عارفة اكتب ايه فى العنوان؟؟؟!!

2009-12-17T19:57:00.000-08:00

السلام عليكم الحمد لله و الصلاة و السلام على اشرف المرسلين سيدى و رسولى و حبيبى محمد صلى الله عليه و سلم ازيكم ؟؟ عاملين ايه؟؟؟ يا رب تكونوا بخير الحقيقة انا ماعرفش انا بكتب الموضوع ده عن ايه ولا ليه ولا لمين. كل اللى اعرفه انى حسيت انى عايزة اتكلم...عايزة افضفض و اقول مش مهم مين هايقرا الموضوع ده ولا المهم كلم تعليق هايتكتب المهم انى عايزة اتكلم كلام مش عايزة اقوله لشخص معين كلام مش سر يعنى!!! الحقيقة....الفترة اللى فتت انا كانت حياتى متلخبطة على الاخر مش بس لخبطة نوم لا ده كله,لا بذاكر ولاولا بعمل حاجة ولاحتى بصلى!!!!!!!!!!!1 اه الكارثة مش بصلى مش هاقول بقى شيطان و ربنا يسامحنى و كده لان كل ده قديم انا معترفة انى غلطانة و مقصرة و تقريبا عرفت ليه الفترة اللى فاتت بقيت احس انى شخص انانى اوى مع الله مش بقدر نعمته عليا ولا اصراره انى ابقى قريبة و لما قاعدت ادور لقين ان فى فى حياتى حاجة اكبر منه بالنسبة ليا حاجة بقت ملازمانى طول يومى من لما افتحعينيا لغاية لما انام و هى "الاغانى" .....الاغانى اللى خلت حياتى كلها ملل و عدم بركة خلت يومى ممل و خليتنى ابعد عن الصلاة و عن حفظ قرآنى اللى المفروض يبقى فى المقام الاول خليتنى اكسل اروح دروس المسجد و اشوف اى حجة تعبانة عايزة انام اى حاجة و مع كلللل ده الا كان ربنا مش راضى يسيبنى و كانه بيشدنى ليه و انا بحاول ابعد عنه بس فى لحظة حسيت نه ممكن فجأة يبقى مش عايزنى و ساعتها هاعمل ايه؟؟؟؟؟؟؟؟؟ رغم كل اللى بعمله ده الا انى فى الاخر لما بدخل المسابقات بتاعت القرآ و الحمد لله بطلع الاولى على طول و بحس بعدها انى ماستحقتهاش ده اول مرة من ساعت مادخلت التدوين اكتب بالاحساس ده احساس بجد رهيب بالخوف انى اشت و ابعد احساس انى يوم ماحب ارجع ماعرفش احساس انى كل كلمة بكتبها بتلقائية من غير تفكير او تحضير انا مش عايزة حاجة تبقى عندى و فى قلبى اكبر من ربنا مش عايزاه يسبنى لوحدى و ماعرفش ارجع مش عايزة ابقى زى ناس كتييير بشوفهم فى حياتى ضالين مش عارفين هما مين اوى ايه مش عارفين غير ان هما مسلمين اسما فقط اخر حاجة نفسى اثبت مش عايزة كل ما احاول ارجع ابعد تانى عايزة تقى حيانى كده....يبقى ربنا فيها هو كل شىء و الباقى ولا شىء ادعو الله ان يثبتنى و اياكم و ان يهدى كل ضال .... تحياتى

السنة ده ضباب و غيوم و زعابيب

2009-11-07T13:56:00.000-08:00

طبعا قدر الله و ما شاء فعل
و قل لن يصيبنا الا ما كتب الله لنا
لكن انا دلوقتى مش عارفة اعمل ايه
دخلنا متاخرين كله كان متنشن حتى المدرسين كانوا بيجروا فى المنهج و احنا نتنح لا احنا فاهمين و لا هما عارفين يخلصوا
جم بتوع الوزارة( ربنا ينتقم منهم يا رب) و قالوا شلنا من المنهج و هما اللى ماعندهمش دم كانوا ماضيين القرار من 3 اكتوبر و جايين يقولولنا فى اول نوفمبر
يعنى احنا و المدرسين ذنبنا ايه
دلوقت الاجازة بقت اسبوعين عشان مدرستى اتقفلت ( ماهو الدور كان جى جى )بركاتك يا ارمن ايوة كده اشتغلى اشتغلى
و اجازة العيد عشر ايام و احتمال تبقى شهر طيب و الامتحانات و المنهج ولا حد يعرف يعنى انا عندى وزارة مش شايفة شغلها و مش مرتبين نفسهم و ساعة الزنقة يتحركوا فى اخر ربع ساعة و تحصبل الكارثة و احنا بنتفرج
و بعدين يقولو هانشيل من المنهج
طبعا انا كل اللى معايا مبسوطين لان المنهج متخفف و الامتحانات هاتيجى سهلة جدا لان هما مش هايسقطوا حد و المواضيع سالكة معانا و احن نعتبر اكتر دفعة محظوظة لان ده اول مرة حاجات بالكمية ده تتشال
و مانكرش انى جزئيا مبسوطة بس.......
و بعدين احنا خارجين السنة ده مش فاهمين ولا مركزين ولا منتبهين و انا السنة الجاية ثانوية عامة
حد يقولى اعمل ايه
يا رب ساعدنى انا محتااااااااااااااااااااااسة

اصحاب و لكن...اخر فصلين

2009-08-15T09:52:00.000-07:00

(5)
في يوم و نانسى راجعة من الكليه مرت بالصدفة قدام بيت احمد
و شافته تحت البيت و معاه بنت و كانت بتسلم عليه و هو كان فرحان بيها اوى
طبعا هى من جوة بتغلى و نفسها تخرج من الشباك و تشد شعر البنت و تمسح بيها الاسفلت و روحت البيت و دخلت اوضتها و مكلمتش اى حد بتااااتا
و مامتها دخلت عليها تسالها فى ايه
هالة : هايدى يا حبيبتى مالك فى ايه دخلتى و كنت بكلمك مشيتى و مرضتيش عليا
هايدى: معلش يا ماما انا اسفة مخدتش بال
هالة : طيب مالك فى ايه؟
هايدى : ولا حاجة اصلى عندى صداع جامد لانى وقفت فى الشمس كتير
هالة : طيب يا حبيبتى ارتاحى شويه هاكون حضرت الغدا

طبعا هيدى لا كانت عندها صداع ولا بتاع ده كانت متضايقة من اللى شافته و قاعدة بتفكر فيه
و بليل قعدت تفكر (يعنى ايه انا قاعدة هنا بدح و اذاكر و اتعب و هو ولا سائل لما هو مش حاططنى فى باله اصلا يبقى انا بقى ماتعبش نفسى عشان حد مش مهتم بيا اصلا)

هايدى : الو
نانسى : هايدى غريبة انتى بتتصلى بيا انا قلت انك مش هاتعرفينى تانى خالص
هايدى : معلش ماتزعليش منى انتى رايحة حفلة قريب
نانسى : اه طبعا بكرة
هايدى : طيب انا ممكن اجى
نانسى : فى ايه يا هايدى
هايدى : ولا حاجة فى ايه انتى ينفع ولا لا؟؟
نانسى : طبعا ينفع اعدى عليكى الساعة كام
هايدى : لا لا ماتعديش عشان ماما متعرفش انا هاتصرف المهم قوليلى فين و امتى.
و بعد ما خلصت هايدى مع نانسى قامت تشوف هاتلبس ايه بكرة و تفكر هاتقول لمامتها ايه علشان تنزل
تانى يوم بعد ما رجعت من الكلية دخلت اودتها و اتصلت بصحبتها سارة انها هاتقول لمامتها انها عندها بتذاكر و اتفقت ان لو مامتها اتصلت تبقى تقولها اى حاجة
و فعلا لبست و قالت لمامتها اللى اتفقت عليه مع سارة
و نزلت هايدى و راحت الحفلة
وللصدفة و حظ هايدى ان مامة سارة صاحبة مامتها و ده اللى هى ماكنتش عاملة حسابه
هالة : الو ازيك يا منى
منى : اهلا ازيك يا هالة عاملة ايه ايه بقالك كتير مش ظاهرة
هالة : اهو ملخومة و ايه اخبار هايدى بتذاكر كويس
منى : هايدى؟؟؟؟ و ايه اللى هايجيب هايدى هنا
هالة : ازاى هى مش مع سارة بتذاكر؟
منى : لا خالص سارة لوحدها فى الاودة بتذاكر
هالة : اااه.....يمكن اتلخبطت بين سارة بنتك و سارة تانية
مش مشكلة المهم انى كلمتك و اتطمنت عليكى
و طبعا مامة هايدى كانت متنرفزة جدا جدا من هايدى و كدبتها و فضلت مستنياها
- كنتى فين يا هايدى
- ماما...خضتينى ازيك يا حبيبتى
- ردى على سؤالى كنتى فين؟؟
- ايه يا ماما مانتى عارفة كنت بذاكر عند سارة صحبتى
- انتى كدابة......انا كلمت مامتها و لسوء حظك كدبتك اتكشفت اتفضلى قوليلى كنتى فين....طبعا كنتى فى حفلة و اكيد كنتى مع اللى اسمها نانسى ده ... انتى مش وعدتينى انك هاتبطلى الحفلات بتاعتك وده

من النهاردة مافيش خروج و انا اللى هاوصلك و اجيبك من الجامعة و مش هاتذاكرى غير لوحدك
- لا يا ماما ماينفعش انك تصادرى حريتى
- حريتك..... مانا اديتك الحرية و استهترتى و افتكرتى انها سايبة
- بس يا ماما....
- مافيش بس اتفضلى خشى اوضتك
عدت الايام و خلصت الدراسة و تقريبا هايدى ماتعرفش عن نانسى شىء و هى كانت حاسة بشىء من الارتياح انها بطلت تسهر و حست ان يومها مرتب و قدرت تنجز كتير و حسنت من مستواها و كمان كانت قلقانة على نانسى انها مستواها نزل اوى و بقت مش منتبهة و دايما تيجى نايمة و مش مظبوطة
المووهم اخر يوم نانسى كلمت هايدى عشان تروح معاها حفلة عند واحدة زميلتهم اهلها مسافرين
و هايدى كانت عايزة تروح و كانت على وشك تروح بس هى ماكنتش عايزة تعمل مشاكل خصوصا ان مامتها ابتدت ترضى عنها و كمان انها ابتدت تحب البعد عن الحفلات ده و كمان انها ابتدت تقرب من ربنا شوية ضغيرة و كانت بتفكر فى الحجاب لكن كانت مجرد فكرة
و على الساعة 3 و نص كده التليفون رنننننننننن.

(6) و الاخيرة

- الو
- الو حضرتك انسة هايدى
- ايوة انا,مين معايا؟؟
- احنا مستشفى المعادى
- خير فى حاجة
- مش حضرتك صديقة الانسة نانسى سالم؟؟
- ايوة هى حصلها حاجة؟؟؟
- حضرتك تقدرى تيجى حالا المستشفى
- حاضر حاضر

طبعا هايدى كانت مفزوعة ان صاحبتها فى المستشفى
و راحت صحت باباها و مامتها عشان يروحوا معاها ماهو مش معقول هاتنزل لوحدها
و لما وصلوا المستشفى راحت تقابل الدكتور تعرف فى ايه
- انا هايدى صحبة نانسى يا دكتور
- اهلا يا هايدى....
- هو فى ايه يا دكتور ماحدش من الاستعلامات قاللى حاجة هى نانسى مالها؟؟ هو ايه اللى حصل؟؟؟
- والله انا مش عارف اقولك ايه
- ايه يا دكتور من فضلك اتكلم
- انتى كنتى عارفة ان صحبتك النهاردة فى حفلة
- ايوة....
- للاسف الفيلا اللى تمت فى الحفلة حصل فيها حريق جامد جدا
بسبب سيجارة وقعت على سجادة و بعدين ماعرفوش يسيطروا على الحريق لان الظاهر ان الفيلا كانت جديدة و الحوائط كانت لسة مدهونة
و للاسفة نجى من الحريق اتنين بس و الباقى فى منهم مصاب اصابة خطر و فى اللى مات
- طيب و نانسى يا دكتور؟؟
- البقاء لله
- لا لا ازاى يعنى ده كانت لسة مكلمانى و كانت فرحانة بالاجازة
هالة: طيب حضرتك ما طلبتش اهلها ليه يا دكتور؟؟
- ما هو للاسف اللى نجوا من الحريق ما كانوش يعرفوا غير نمرة هايدى بس و قالوا انها تعرف نمرة اهلها

و فعلا ادت هايدى نمرة اهل نانسى للاستعلامات اللى كلموهم ييجوا يستلموا جثة نانسى.
هايدى كانت فى انهيار تام من الخبر و روحت البيت مش مصدقة اللى حصل و قعدت مدة عقبال ما استوعبت ان صحبتها المقربة ماتت من غير انذار و فجاة من غير مقدمات و كانت لسة بتكلمها عشان تيجى الحفلة و قعدت تفكر يعنى انا لو كنت روحت كنت مت
و يوم الدفنة بقت تشوف صحبتها بتتدفن لوحدها فى التراب صامتة مابتتكلمش لا حول لها ولا قوة لا تستطيع انها تعترض و قعدت تفكر انها فى يوم من الايام هاتكون مكانها بس فكرت هل هايبقى مصيرى زيها اموت و انا بسكر و برقص
و بعد ما رجعت من الفنة و العزا و خلاص رجعت البيت
دخلت اوضتها و قعدت كده تفكر
ايه ده بقى نانسى اللى كلها حيوية النهاردة ادفنت و كانت صامتة و لا بتتحرك ده كانت زى افراشة طول اليوم تنطيط
بس هى ماتت موتة وحشة اوى
طيب لو مت زيها كده ايه هايكون مصيرى زيها ولا
و فى اليوم ده قررت انها تتحجب بعد ما كانت مجرد فكرة فى دماغها
و قررت انها تلتزم بعد اللى شافته
لانها مش ضامنة حياتها
و بعد الموضوع ده بحوالى شهرين و بعد ما كنت التزمت و بقت كويسة لقت احمد جاى هو ولدته و اخته عشان يخطبوها
عارفين مين اخته؟؟
البنت اللى كانت بتسلم عليه فى الشارع و هايدى شافتهم و اتضيقت
و طبعا هايدى فى نفسها كانت متضايقة انها ظلمته
و فعلا اتخطبوا و اتفقوا انهم يخلصوا الجامعة و يتجوزوا

زى ما قلت فى الاول لو كن فاكرين نفسنا نقدر نبعد عن الخطر مهما كان نبقى غلطانين و الصحبة بتساعد على الطريق الى مشينا فيه
لو كانوا صحبة سوء يبقى اكيد هاننجر معاهم حتى لو كنا كويسين
و لو كانوا صحبة خير يبقى هايشدونا و لو كنا مش كويسين
لازم نختار اصحابنا صح

كلنا مرينا بتجربة مشابهه أو بعيدة تماما عن هذه المشاكل في قصتي بس عرفنا فيها معادن الأصدقاء أو بعض من يدعي أنه صديق
ربنا يرزقكم الصحبة الصالحة زي اللي رزقني بيها من خلال
صديقتى الصدوقة اللى بجد نفسى نفضل اصحاب ورفيقات في الله على طووووووووول.

اصحاب و لكن

2009-08-14T08:18:00.000-07:00

(3)
لما رجعت هايدى البيت كانت متضايقة و مصدومة
متضايقة لانها مش قادرة تكلم احمد و لا حتى تسلم عليه كزميل
و مصدومة (مش عشان الفستان) لا بس عشان صاحبتها ابدت تمشى فى سكة غلط و ابتدت تبعد و مش بتسمع نصيحتها و بتقول لنفسها انها مش لازم تخون الثقة اللى ماماتها مدياهلها ولا ون بابها مش عارف عنها شىء
ووسط كل ده التليفون رن
هايدى: الو؟؟
****: الو , الانسة هايدى؟
هايدى: ايوة مين معايا؟
****: مش مهم انا مين المهم انتى لازم تيجى بسرعة
هايدى: اجى ...اجى فين و ازاى عايزنى اجى من غير ماعرف انت مين لو بتستظرف اقفل احسن لك
****: انا مش بهزر و لو ماجتيش فى ظرف نص ساعة هانقتل احمد
هايدى فى(صاعقة): طيب طيب انا اجى فين؟؟
و راحت هايدى للعنوان اللى المجهول وصف لها
و اول ما وصلت لقت انا المكان ده عبارة عن فيلا ضربت الجرس و و فجاة
مفاجأأأأأأأأأأأأة
طبعا هايدى كانت فى منتهى الغضب ازاى صاحبتها تعمل فيها المقلب ده
طبعا هايدى كانت هاتمشى من كتر الزعل بس صالحوها و قالولها انهم كانو عايزين يجيبوها عشان هى مشيت بدرى من الحفلة
المهم سهروا و انبسطوا و بعدين نانسى جابت لهايدى حاجة تشربها و كانت حطاها فى كوباية غامقة و لما سالتها قالت لها عصير
نانسى: خدى يا هايدى اشربى انتى امشربتيش حاجة من ساعة ماجيتى
هايدى: ايه ده؟؟؟
نانسى: عصير هايكون ايه يعنى
هايدى (بعد ما شربت حبة): ايه ده يا نانسى انا قلت لك مش هاشرب مصرة تعملى اللى فى دماغك
نانسى: ايه ايه خلاص شربتى و اللى حصل حصل جرالك حاجة موتى منه مانتى زى الفل و تمام و هاتتعودى عليه
هايدى فكرت للحظة و قالت لنفسها خلاص جربته و للى حصل حصل جرى ايه يعنى
فعلا الصاحب ساحب لو افتكرنا نفسنا نقدر نقف و نواجه المخاطر بنفسنا نبقى بنفكر غلط مهما قلتى انا متربيه و مافيش حاجة تاثر عليا تبقى غلطانة الصحبة بتسحب الواحد و بتخليه يبقى زيهم حلوين كانوا او وحشين
و من هنا بييجى اختيار الصاحب ماهو نانسى و هايدى اصحاب من زمان بس نانسى اتعرفت على ناس نسوها الدنيا و مع كل ده هى اصلا عندها الاستعداد من الاول لانها ماعندهاش رقابة نهائى و صغيرة و نفسها تجرب اى شىء

رجعت هايدى البيت الساعة 12 و كانت حالتها سيئه للغاية بسبب اللى شربته و لما شفت مامتها كانت مش عارفة تدارى الحالة ازاى فعملت نفسها دايخة و مش عارفة تمشى
مامتها : هايدى مالك يا حبيبتى؟؟؟
هايدى : هااا...اه لا مافيش يا ماما انا بس دايخة شويه اكمنى صاحية من بدرى
مامتها : يا حبيبتى طيب اطلعى استريحى فى الاودة بتعتك
و طلعت هايدى و خلاص كان تمكن منها الشيطان و نامت و تقريبا غايبة عن الدنيا

(4)

مرت الايام و ساءت حالة هايدى اهملت مذاكرتها و ابتدت تسهر كتير و تروح حفلات كتيرو تشرب كتير و طبعا بقت تكدب على مامتها كتير و مامتها ابتدت تلاحظ ده و ابتد تراقبها و منعتها من انها تروح الحفلات ده مع اصحابها .
و فى يوم نانسى كلمتها عشان تروح معاها حفلة فى بيت صحبتهم اللى مامتها و باباها مسافرين
نانسى: الو يا هايدى
هالة: انا مش هايدى انا مامتها
نانسى: اهلا يا طنط امال هايدى فين
هالة: هايدى مش فاضية ,بتذاكر و لو سمحتى يا نانسى بطلى شويه اللى بتعمليه ده و كفاية الحفلات ده و يا ريت ماتتصليش هنا تانى.
نانسى كانت مستغربة من كلام مامة هايدى و كمان ان فجأة هايدى مابقتش ترد و مش بتيجى
اما هايدى فكانت غضبانة جدا من اللى حصل و اتضايقت جدا من
اللى قالته مامتها و انها مش هاتشوف نانسى تانى او على الاقل دلوقتى
هايدى: انتى ازاى تعملى كده و تقفلى فى ش نانسى
هالة: انتى اتجننتى ازاى تكلمينى بالطريقة ده و بعدين انا مامتك و خايفة عليكى و البنت ده هاتضيع مستقبلك
هايدى: ده صحبتى و انا اللى اخترتها و مش هاسيبها
هالة : و انا امك و من حقى اخاف عليكى و على مصلحتك اتفضلى خشى اوضتك و ماتطلعيش منها تانى.
ام هايدى حست بالخطر اللى بيحوم حوالين بنتها و انها هاتواجه خطر كبير جدا
فى نفس الوقت كانت هايدى بتكلم نانسى من الموبايل بتعها و اتفقت معاها انها هاتتفق مع منار صحبتهم و هاتفهم ماماتها انها هاتذاكر عندها بعد ما تصالحها و بكده تقدر تخرج و تروح المكان اللى هى عايزاه
و فى يوم من ايام السهر و الحفلات و هى مروحه شافت احمد بالصدفة و راح بصلها بصة هى حست منها انها تافهة و ماتستاهلش الحب اللى حبتهوله و بصته ده فوقتها بس هو كان متفاجا من اللى شافه و مشى من غير ميبص عليها تانى
رجعت هايدى البيت حزينة و ندمانه على اللى عملته و قررت انا تبطل حفلات و سهر و تذاكر مش عشان احمد بس ولكن كمان عشان اليوم ده حست قد ايه هى انسانة تافهة و من غير هدف
و صالحت مامتها و قالت لها قد ايه هى اسفة على اللى عملته
و فى يوم نانسى اتصلت بهايدى
هايدى: الو مين؟؟
نانسى: انا نانسى يا هايدى ايه نسيتى صوتى
هايدى:هاى يا نانسى عاملة ايه؟
نانسى:الحمد لله كويسة,بقولك احنا النهارده عندنا حفلة انما ايه.....
هايدى: معلش يا نانسى انا مش هاقدر احضر حفلات
نانسى: ده من ايه ده بقى ليه يا هايدى ايه اللى حصل
هايدى:حصل حاجات كتير المهم انا هابطل الحفلات بتاعتنا و انتى كمان لازم تلتفتى لمذاكرتك و تبطلى سهر
نانسى:لاااا ده فى حاجة اكيد حصلت غيرتك اوى كده
هايدى : بصى يا نانسى انا خلاص قررت عاجبك او لا انا هابطل شرب و سهر و كل ده و لو مابتطلتيش خلاص براحتك
و قفلت هايدى السكة مع نانسى و هى متضايقة ان ده صاحبتها برده بس هى كانت حاطة بصة احمد ليها و كانت مش عارفة تبررله ده بايه غير انها تتحسن و هو يشوف ده لان اصلا ماكنش فى حوار بينهم من الاول فا هاتروح بصفة ايه.
ابتدت هايدى تذاكر بانتظام لدرجة ان مامتها استغربت معقول ده هايدى بنتى معقول.
و مرت الايام و هايدى علاقتها بنانسى مش زى الاول و نانسى عازز عليها ازاى تتصل بيها و هى اخر مرة مكلماها بشدة و بعدين قفلت.

اصحاب و لكن

2009-08-09T13:38:00.000-07:00

(1)
البداية دايما تجر النهاية و هى دايمة بتكون النهاية
ساعات بفكر يعنى ليه الواحد بيسيب نفسه تروح للغلط مع ادراكه انه غلط و ان ليه عواقب لكن وقتها بيفقد التمييز و الاحساس زى المدمن اللى لايرى و لا يسمع غير المخدر
سبحان الله طيب ليه ربنا خلق لنا عقل
مش عشان نميز بيه و نوقف نفسنا لما نعدى الخط الاحمر
تلخيص كل ده فى قصة القصة ده انا قتبستها عن فيلم اجنبى فيها عبر و عظات كتيييييييييير
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بنتين اصحاب من زمان من ايام المدرسة و للصدفة دخلوا نفس الجامعة و نفس الكلية
البنتين دول نانسى و هايدى تعالوا نشوف حكايتهم
نانسى بنت فى سن ال20 و هى فى كلية بيزنيس ادمينيستراشين. باباها رجل اعمال مهم و غنى جدا
مامتها واحدة من سيدات المجتمع اللى بيقولوا عليهم دول اللى نص وقتها الصبح فى النوادى و الكوافير و المحلات و باليل نوم و تليفونات و اسمها منال
اما هايدى فا باباها عضو مهم فى مجلس الشعب و رجل غنى جدا و مامتها ست طيبة و مسؤله و بتحب ولادها جدا و اسمها هالة
طبعا طيبتها ده كانت زايدة جدا و ادت الى ثقة زايدة جدا برده و هى فى نفس الجامعة بتاعت نانسى و صحاب جدا جدا جدا

نانسى و هايدى التوأم المختلف
كل حاجة بيعملوها مع بعض ,بيجيبوا لبس مع بعض و ساعات زى بعض اكلهم دايما مع بعض الا العشا بس
بيذاكروا عند بعض وكل كل حاجة مع بعض
و تقريبا مافيش حاجة عند واحدة مش عند التانية
نانسى بحكم الحالة الاجتماعية بتاعتها طبعا عندها التزامات اقل و وقت فراغ كبير و المذاكرة بتبقى فى اخر اسبوعين و برشام
و معظم الوقت يا اما فى نادى او فى ديسكو او مع صحباتها يعنى كل اللى قلبك يحبه
اما هايدى فبالرغم من انها صحبتها الانتيم الا ان هى مش دايما تروح معاها الديسكوهات مع العلم انها برده بتروح لكن قليل
هايدى اصلا كانت ملتزمة (مذاكرة و كده) جدا جدا بس مع الوقت ابتدت تفلت اللجام و ابتدت تقلد نانسى ماهو الصاحب ساحب
و لكن الرقابة النسبية عليها فى البيت مش مخلياها على راحتها اوى يعنى و برده ساعات بضطر انها تقعد فى البيت و فى يوم نانسى كلمت هايدى فى البيت

- الو هاى يا نيسو عاملة ايه ؟
- تمام الحمد لله انتى ايه اخبارك ماجيتيش امبارح الparty ليه؟
ده ميزو كان عامل حته party وهمية فاتك نص عمرك.
- معلش بقى اصل ماما و بابا كانوا فى البيت و دبت خناقة لرب السما فى البيت و خفت اقول لهم اتحدف بحاجة و كمان ما كنتش اقدر اخرج و باسم اخويا هنا و بعدين انا اصلا مش بحب الواد ميزو ده بحس انه واد ملزق كده و عامل زى الاستك
- استك برده .....ده روش اوى و بعدين محبوب انتى اللى تنكة و مش بيعجبك العجب.
- طيب يا روحى خلينا لك العجب.
- المهم سيبك منه النهاردة عندنا surprise party بتاعت دينا و لازم تيجى ده هاتبقى جنان و كمان عملينهالها فى المريديان
- اه ما انا عارفة ,هاشوف ظروفى
- على فكرة احمد جى الحفلة
- هو انتى بقى اللى هاتعدى عليا و لا نتقابل هناك؟
اصل هايدى معجبة باحمد و هو كمان معجب بيها بس مش مبين خالص و هى هاتموت و تعرف شعوره من ناحيتها ايه
- بقولك ايه هاتلبسى ايه النهاردة؟
- مش عارفة هابقى اشوف لسة مش مقررة يلا بقى لازم اقفل سلام.
اصل زى م انتو عارفين هما بيبلبسوا زى بعض,
بس فى وجود احمد هايدى عايزة تظهر ليها شخصيتها و تبان مختلفة عن نانسى و مش عايزاها تعرف هى هاتلبس ايه.

--------------------------------------------------------------

(2)
بعد ما قعدت هايدى تدور على لبس تروح بيه الحفلة و تدور و تفحص
لقت فستان عندها جميل و شيك و لونه حلو عليها
قررت تلبسه و بعد ما اتظبطت خرجت من غرفتها عشان تروح الحفلة
- رايحة فين يا حبيبتى؟
- رايحة عيد ميلاد صحبتى يا ماما
- ماتتاخريش يا حبيبتى
- حاضر يا ماما ماتقلقيش عليا انتى بس
خرجت هايدى من البيت و عمالة تفكر يا ترى احمد هايلاحظها وسط كل اللى جايين و يا ترى هى شكلها حلو و الفستان اللى لبستو حلو ولا ماعرفتش تختار صح
الموهم وصلت هايدى للمريديان و نزلت و لقت البنات كلها مستنينها
و اول ما قربت منهم ان هى الا الصاااااعقة
و فجاه تنحت هايدى و ازبهلت و كانت هاتعيط من اللى شافته
لانها لقت ان نانسى لبسه اخو الفستان بتاعها (مش توام بيحسوا ببعض) و طبعا الغرض مش هايتحقق
- ايه يا نانسى ده انتى لبستى الفستان ده ليه؟؟؟
- فى ايه يا هايدى عادى انا قلت انه فستان حلو و شيك و توقعت انك هاتلبسيه
- يعنى لازم تتوقعى النهاردة
- بتقولى ايه يا هايدى
- لا ولا حاجة بقول صدفة حلوة اوى عن اذنك ثانية هاروح الحمام
دخلت الحمام و كانت عايزة تصرخ من كتر الغيظ و غسلت و شها و عدلت المكياج و قالت تخرج بقى لحسن يلاحظو غيابها
خرجت وصلت للوبى و شافت احمد واقف و معاه بنتين بيسلموا عليه و كان معاه صاحبه معتز
و طبعا اول ما شافته و معاه البنات اتضيقت و اللى لاحظ كده نانسى راحت لها و قالت لها:
- اتلحلحى روحى سلمى عليه
- و انا اروح ليه؟؟
- يا بت انا اكتر واحدة فاهماكى
- فاهمانى...قص...قصدك ايه يعنى انا مش فاهمة؟
- قصدى انك هاتموتى و تروحى تسلمى عليه و نفسك ييجى يكلمك
- انا و انا هاعوز كده ليه ماهو زميل زى باقى زميلنا عادى يعنى
- براحتك انا قلت لك و انتى حرة
قعدت تفكر هايدى تعمل ايه تروح تكلمه ولا تطنش و هو اصلا اللى المفرض يكلمها
وفى الاخر قررت انها اصلا مش هاتكلمه انها عندها كرامة واللى عايزنى يجيلى انا مابروحش لحد.
طبعا احنا قلنا ان احمد بيحب هايدى بس مش متاكد من مشاعرها و خايف يصارحها تكسفه
- معتز اروح اكلم هايدى و الا انت شايف ايه؟؟؟
- والله انا معرفش بس شكلها مش مدياك وش خالص
- عندك حق فعلا هى شكلها مش واخدة بالها منى خالص

- هايدى خدى
- ايه ده يا نانسى؟؟؟!!!
- فى ايه ده مرة يا بنتى مش هاتضر
- لا يا نانسى لا انا ولا انتى هانشرب
- لا انتى حرة فى نفسك بس انا لا
- ماشى يا نانسى براحتك
و مشيت هايدى حتى قبل ما تخلص الحفلة و كانت الساعة يا دوب 7 و نص

يعنى خلاااص مافيش اماااااان؟؟؟؟:(

2009-07-18T10:19:00.000-07:00

يعنى للدرجة ده مافيش امااااان خالص

للدرجة ده بقى الواحد ينزل الشارع عشان ليتسرق ليتخطف ليموت؟؟؟؟؟؟؟!!!!!!

يعنى انزل الشارع استنى قدرى

لواحد ييجى يسرق شنطتى او عربيتى او انزل عشان اتخطف او عشان اموت

للدرجة ده الواحد بقى مش عارف يروح شغله ولا كليته ولا مدرسته من غير ما يقابل اللى بنزع له يومه

طيب لييييه؟؟؟؟؟؟؟؟؟؟!

اشارع المصرى ده كان معروف بانه لو نزلته الفجر هاتحس كانك نزله الظهر

امااااااااااان و فى ميت حد يساعدك

دلوقتى لو نازل فى عز الظهر و الناس رايحة و جاية بتتسرق و تتخطف

يعنى مثلا مرات خالى كانت رايحة السوق الساعة 4 العصر و الدنيا مور و الناس فى الشوارع و نزلت تجيب حاجات و اغلقت العربية على بناتها و معهم الشغالة

و لما رجعت و فتحت العربية لسه هاتركب لقت واحد بيشدها برة العربية و ركب العربيه و خدها هى وولادها و الشغالة ووالادها دول 3 بنات اكبرهم 5 سنوات و اصغره لسه ماتمتش سنة

طبعا لا تتصوروا الانهيار اللى كانت فيه لمجرد ربع ساعة بعدوا عنها عامل ازاى

طيب مش ده ام زنبها يه تتسرق عربيتها كل مافيها و شنطتها و مالها وورقها

ليه تبقى نازلة و تعيش ولو للحظة فكرة ان لقدر الله ولادها اتخطفوا

ليه؟؟؟؟
افتقدنا ايه فى مصر عشان يحصل كده

هل هى فعلا ضغوط اقتصادية ادت لكده

ولا ده شماعة بنعلق عليها اللى حصل و يبقى مبرر منطقى للتساؤلات ده

و لو ده صحيح مين السبب؟؟؟

هل هى الحكومة فعلا

ول ده غلطتنا كلنا

بجد انا عايزة اعرف ليه مابقاش فى بيتى حاسس بالامان ليه مانزلش و ارجع فى امان من غير حوادث خطف و سرقة و اغتصاب حاجة بقت تقرف

والموضوع بقى لا يطاق

حد يقولى بقى احنا هانفضل كده على طول ولا لسه فى امل؟؟؟؟؟؟

كفاااااااااية استفزاز بقى

2009-06-21T17:55:00.000-07:00

الشارع المصرى بقى فيه كمية استفزاز مش معقوله
الدم و الاحساس اتسحبوا من البلد زى كحك العيد كده بالظيط
طوول ما انا ماشية بشوف حاجات تستفز الواحد و يبقى عايزيروح يسال اللى قدامه هو انت عندك دم؟؟؟؟؟؟؟!!!!! ههههههههه
يعنى مثلا دخلت اشترى حاجات من محل ملابس حريمى لقيتلك واحد راجل واقف فى المحل!!!!!!!!!!!1111 طبعا الازبهلال نزل عليا و ماكنتش عارفة اعمل ايه؟؟؟؟ ارحله يعنى اشترى منه و كنت عايزة اقوله حضرتك هنا تبيغع ولا تشترى؟؟؟؟؟؟؟!!!!! ماتستغربوش علامات الاستفهام الكتيرة ده ده فى من النوع دع كتيييييييييير طيب و النبى يعنى مالقيتش غير المحل ده اللى تقعد فيه لا و لو دخلتى المحل تلاقى المناظر اللى متعلقة تفرح تقعده فى المحل ما يقومش منه بتاااااااااتاا

اما النوع التانى من الاستفزاز هو التطفل و الحشرة الكدابة
كنت رايحة اشتر لبس و طبيعى جدا لما هاجيب لبس هاقيسه طبعا المهم قسته و بفتح البروفة عشان افرج ماما و لقيت يا سبحان الله شاب طول بعرض كدة واقف وراها و بيتفرج!!!!!
فى حاجة يا كابتن ما تتفضل تخش تقيس معايا
و بيدى رايه يا سلااام على الروقان
يهنى ايه يعنى ولد يعد يتفرج على بنت و هى بتقيس و انت مالك حد طلب من رايك اكمن انت يعنى بتشتغل فى المحل واخدها حلوانة فى سلوانة حاجة عسل والله

نوع من انواع الاستفزاز اللى منتشر اليومين دول و اللى لا يخفى على بشر النص حجاب
تلاقى البنت ماشاء الله مكلفتة راسها ولابسة سبع تمن ايشاربات و خايفة قصوصة باينه من شعرها
لالا لا يا رضوى عيب امال جاب ايه ده بقى اللى يبين الشعر اومل ربنا قال نتحجب ليه؟؟؟؟
تنزلى شويه كده عن مستوى الراس و تلاقى المفاجاة "بدلة راس "
يا خراشى مش ده البت اللى كانت قربت تغطى راسها من كتر الطرح اللى حطاها اومال ايه اللى هى قلعاه تحت ده
تلاقى بقى البنت لابسة بدى سلفاه من اختها اللى عندها 8 سنين
و بنطلون عندها من اعدادية مزنوقة فيه و بتمشى بالراحة تحسبا لاى خطوةغير مسؤله ينتج عنها حدث غير مرغوب فيه فى الشارع و تبقى الالعة رسمى نظمى فهمى
لولولولولولى يا فرحتى بيكى ياختى
حاجة تخليك تكره حياتك و عيشتك و الناس
طيب ليه ليه بجد
ليه الولد مايشتغلش الشغلة اللى تليق بيه كولد مهما كانت المهم مايبقاش فى وضع غير مرغوب فيه
و ليه البنت تتجنب المضايقات بانها تستر نفسها بدل ماهى نص لابس و نص قالع و ساعات بيبقى حجاب تيك اواى اللى هو مغطية نص شعرها كمان
يعنى هو مكتوب عليا انى افضل مستفزة كده
و اكيد الاستفزاز مش هايخلص من البلد
ربنا يهدى المسلمين و غير المسلمين و يرحمنا بقى عايزين تشجيع يا جماعة
وياريت اللى قابل موقف مستفز ليه يقولى
تحياتى :)

صدمة فوقتنى

2009-06-18T19:07:00.000-07:00

امبارح كان صدمة ليا بكل المقاييس
عمرى فى حياتى ما حسيت الاحساس ده
انا عمرى فى حياتى ما عشت وفاة حد قريب منى ,اوقات تعبه و موته
بجد حسييت ياااه انام اصحى الاقيه ماات!!!!!!!!!!
علامات استفهام كتييييير فى دماغى
حاجة واحدة بس اللى ادركتها من وفاة جدى رحمة الله عليه
الوقت بيمر بسرعة و الدقيقة اللى بتفوت مش بترجع تانى
و النفس اللى بيطلقه الانسان مايقدرش يرجعه تانى
عشان كده لازم نتعظ من المواقف اللى فى حياتنا ده
و بالذات من الموت لانه رحلة لا عوده منها و اللى هاينسى حاجة فى الدنيا مش هايعرف يجبها تانى
فبالله عليكم
حاولوا تحافظوا على اللى باقى من عمركم عشان ربنا يغفر لكم اللى فات
الدنيا ده مش مستاهلة الواحد يخاصم عشانها يظلم عشانها يسرق , يقتل او يعمل اى حاجة غلط لانها ولا شىء
والله بس النهارده حسيت بخوف شديد مش من انى اموت ولكن من انى اموت مش مستعدة للقاء الله
و يوم ما يخلص معاد الامتحان اسلم ورقتى فاضية من غير حاجة ترفع من حسناتى

لا اله الا الله محمد رسول الله

عانس تحت ال30 و زوجة قوقها

2009-04-25T17:01:00.000-07:00

(2) عريس الاحلام جاى فى السكة

صفاء بنت ذكية يبان عليها الطيبة الجامدة اوى بس هى اكيد فاهمة اللى حواليها و يا اما مطنشة لان الموضوع اهيف من الاتفات اليه

او مستنية الوقت المناسب للرد

و ده يدل انها عارفة اللى بيحصل فى بيت اختنا هناء و دوريات القر اللى بتتقاسمها هى و منال عشان يحاولوا التاثير على صفاء فيقف حالها

يعنى ماشية على مبدا(يا نعيش عيشة فل يا نموت احنا الكل)

اكتر مبدا بكره فى حياتى منتهى الانانية

صفاء خرجت للبلكونة تشم شويه هوا بعد العريس الاخير ما مشى

و بصت كده لقت هناء هى كمان قاعدة ماسكة مجلة قال يعنى بتتفرج عليها و هى طبعا بتراقب صفاء زى فيلم (هذا هو الحب)

لما يحي شاهين كان بيراقب لبنى عب العزيز من الجرنال

و صفاء طبعا واخدة بالها بس عملت عبيطة عشان ماتحرجهاش و كمان هى حاسة ان الموضوع اهيف من انها تهتم بيه دلوقتى يعنى هى واثقة فى ربنا و عارفة ان كل شىء بيحصل لان مقدر له ان يحصل

بعد شويه دخلت مامة صفاء عليها لقيتها قاعدة جنبها كوباية الشاى و هى سرحانة

الام (بنفاذ صبر) : هاا يا صفاء ايه رايك فى العريس ده اظن مايتعيبش اهو مرتبه ممتاز و متدين و وسيم

صفاء : ايوة يا ماما بس ده هايسكنا مع امه

الام: طيب يعنى يا حبيبتى يسيبها و هى ملهاش حد لا انا مرضهاش ابدا

صفاء : بس يا ماما.....

الام : خلاص يا صفاء انا تعبت ده خامس عريس الشهر ده و ترفضيه و كل اللى اتقدمولك كانوا طالعين من عينى و انتى ولا عندك دم كفاية العريس بتاع الاسبوع اللى فات متدين و شيك و مستوى و وسيم و مقتدر و شاريكى و قال ايه مش عاجبك انه تخين بالذمة حد يقول كده يا ناس هو فى حد لاقى عرسان ماتبصى على جارتنا ولا انتى عميتى و شكلك عارفة و مستهبلة زى عادتك

يا بنتى بلاش البطر ده بكرة كل دول يلاقوا عرايس و انتى اللى هاتقعدى فى ارابيزى

صفاء: كل شىء نصيب يا اماما و اللى مكتوب على الجبين لازم تشوفه العين

الام : ايوة طبعا يا حبيبتى بس ربنا قال ان احنا ناخد بالاسباب انا هاقوم اصلى و ادعيلك يمكن ربنا يهديكى

صفاء رغم عقلها و تدينها لا ان فيها عيب غريب انها عايزة عريس كامل لا ينقصه شىء و مافيش انسان كامل و رغم ايمانها بالنصيب و القدر الا ان هى عكس ده خالص و مافيش انسان كامل فى الدنيا و هى مقتنعة انها تستحق احسن واحد فى الدنيا و انه جى فى السكة

اما امها فهى ام زى باقى الامهات نفسها تفرح ببنتها و تجوزها و خايفة تعنس و كل العرسان اللى اتقدموا مايتخيروش عن بعض

طيب هى تعمل ايه و الحل فى ايد بنتها و هى مش عايزة تغصب عليها و ماسكة باباها بالعافية و الراجل لو شافها يمكن يجتلها و يخلص من عارها ماهو التار ولا العار يا عواد

تانى يوم ليلى صاحبة صفاء عدت عليها اصلها عندها اجازة من الشغل و بقالهم كتير ماشفوش بعض

طبعا ليلى متشوقة تعرف الاخبار السعيدة من صفاء اصلها عرفة من ايمان زمليتهم انها جالها عريس للمرة العشر تاشر (هى البلد مابيتيلش فى بقها فولة)

ليلى : صافى حبيبتى ازيك يا قمر وحشانى مووت ..بقالنا كتير ماتقابلناش

صفاء : ازيك انتى يا ليلى و عاملة ايه فى شغلك الجديد؟؟؟

ليلى : اهو ماشية سيبك انتى منى انتى عاملة ايه ...سمعت انك جالك امبارح عريس

صفاء : و عرفتى منين ده لسة الحبر طازة... اكيد الرويتر ايمان صح؟؟؟

ليلى : الصراحة اه بس قوليلى انتى هاا وافقتى

(صمت للحظات )

ليلى: تاانى يا صفاء و المرة ده ليه بقى رفيع زيادة عن اللزوم ولا اشول يلا يلا شلينى

صفاء : يا جماعة انتو ليه كلكم مهاجمنى كده كانى عملت ذنب

ليلى : ذنب؟؟؟ لا العفو احنا اللى غلطنا ان احنا بتعبر واحدة زيك و بندورلك على عرسان

اوعى تكونى فاكرة ان هايجيلك عريس على حصان ابيض تحت الشباك و يصفرلك فاتنزلى ياخدك على القصر بتاعه و جزمتك تقع منك الساعة 12 بلاش احلام ديزنى اللى انتى عايشاها ده و فوقى و بلاش تضيعى فرص هاتندمى عليها بعدين

يلا انا ماشية بقى سلام لحسن لو قعدت اكتر من كده هاموت بالسكتة القلبية

خرجت ليلى و فضلت صفاء قاعدة بتعيد كلام صاحبتها فى دماغها كانها كانت محتاجة اللى يواجهها باحلامها عشان تفوق

كده خلصنا النهاردة اشوفكم بكرة و نشوف اختنا هناء بتعمل ايه هى و منال

عانس تحت ال30 و زوجة فوقها

2009-04-24T17:03:00.000-07:00

ده قصة اتنين من بنات بلدنا

اتنين عكس بعض تماما

واحدة حاسة ان قطر الجواز فاتها و انها عنست عشان بقت فوق ال25

و التانية بيقدمولها كتير و قليل و مالقتش اللى يملى عنيها

مثلين موجودين فعلا

تعالوا نشوف حكايتهم ايه؟

هناء : 26 سنة جميلة مش محجبة و معتقدة ان الحجاب هايوقف حالها(على اساس انه مش واقف اصلا)

ساكنة فى 18 شارع مصطفى كامل الزيتون (هالف عناوين لانى معرفش الشوارع)

اما صفاء: بنت عندها 28 سنة محجبة جميلة و متدينة و عنده ايمان بربنا

ساكنة فى 23 شارع مصطفى كامل الزيتون

ايييييوة هما جيران ساكنين قصاد بعض شوفتوا الصدف(:

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

(1) يا ساتر استر

فى ناس بتفكر ان البنت لو ماتجوزتش عند سن 21 22 بالكتير تبقى عنست و خلاص اتعلم عليها غير صالحة للجواز

مع ان ناس كتير اتجوزوا متاخر و عايشين اسعد حياة لان كل واحد اكتسب خبرات و بقى قادر يكيف نفسة و يعيش حياة هادية

بس تقولوا ايه بقى جهل

ده بقى تفكير صحبتنا هناء

هناء عندها عقدة العنوسة من اللى كانت بتسمعه من جيرانها لما بيتكلموا مع مامامتها اقتنعت انها خلاص عنست بما ان مافيش عرسان و هى عندها 26 سنة

يعنى خلاص بقت expired و كمان عشان تقهر نفسها نازلة حقد فى جارتها صفاء

اللى لا يخلو بيتها من العرسان من كل لون و صنف

و فى يوم اجتمع شمل هناء بصديقتها منال زميلة كفاح فى العنوسة و حقودة يمكن على هناء نفسها

هناء : شوفتى يا منال انا خلاص هاطق ايه ده صفاء لمت عرسان البلد كلهم و ياريت حد عاجب ده بطر و قلة تقدير

منال : اه ياختى شوفتى انا اللى هافرقع ىانتى مستحملة ازاى تشوفى العرسا طالعين نازلين من عندها كده

هناء : انا هاموت من غيظى اه يا فرستى يانى فيها ايه احسن من ده انا حتى شعرى حرير و هى شعرها ما بيبنش منه قصقوصة عاجبهم فيها ايه؟

منال : اه ده انا امبارح روحت اشتريت شويه مساحيق للوش و صنفرة و شد يخلوا العجوزة عروسة

هناء : بجد يا منال طيب مش تفرجى اختك حبيبتك على الحاجات ده

منال : ها.....ياااه انا لازم امشى بسرعة لحسن ماما تبهدلنى لو اتاخرت سلام بقى يا اختى

(اه اصلى نسيت اقولكم منال عندها هاجس الحسد و القر و بتخاف من عنين هناء و اى واحدة لحسن تقر عليها يقف حالها)

طبعا حقد و غيرة و غيبة و نميمة و قر و حسد صفات اجتمعت فى هناء و صديقتها

ماهو اللى مش فى ايديى يحرم على غيرى

و رغم كل ده ز اللى بتعملوا لا ان ربنا عايز يقول لهناء ان مش شعرها و جمالها اللى هايجوزوها

بس تتقى ربنا و تسيب الناس فى حالها و ترجع لطريقه سبحانه و تعالى و هو بيسر من عنده)

حبة غلاسة .......حرقة دم .....خش و هاتدعى عليا(ههههه)

2009-04-23T16:16:00.000-07:00

ايه اكتر حيوان حظه وحش ؟
القطة علشان بتخربش كتير و عمرها ما كسبت
==========================

==============
طيب ايه اكتر حيوان بيسمع اغاني اجنبي ؟
الغراب راب راب راب راب راب
=======================================
طيب ايه اكتر حيوان بيسيح في الحر ؟
تمساح ساح ساح ساح ساح
===========================

ليه مفيش ماتشات بتتلعب يوم الجمعة ؟
علشان الكورة مع دريم
==========================================
ليه مفيش ماتشات بتتلعب يوم السبت ؟
علشان إعادة الكورة مع دريم
==========================================
ليه الصعيدي بيحب يتصور جنب الأهرامات ؟
علشان يطلع في الشلن
=========================================
-سمعت نكتة الأسانسير ؟
- لأ
- يبقى اكيد كنت طالع على السلم
=========================================
إزاي نحط فيل في كباية من غير ما يلمسوا بعض ؟
نحط بينهم فيل تالت .

=========================================
حاجة سودة و ب 3 رجول و في الصحراء ؟
بيانو
========================================
واحد عنده 100 عيل و عايز يجيب عربيه تقضيهم .. يجيب ايه ؟
ميتسوبيشي طبعا ً ... و يدي كل واحد سوبشيايا .. [ميتسوبيشي = 100 سوبيشي ]
========================================
بيركب الميكروباص ؟؟ Emniem ليه
50Centعلشان مش معاه غير
========================================
ليه البني آدم مش ببذر ؟؟
علشان بصرة
========================================
لو عندك تفاحة حمراء (امريكاني) و تفاحة خضراء (بلدي) و عايزهم يبقوا نفس اللون تعمل ايه ؟
تقشرهم
=======================================
ليه السمك بيخاف من فودافون ؟
علشان اكبر شبكة
=======================================
ليه مصر مش محتاجة بطاطين ؟
علشان اتصالات غطت مصر كلها ..

-------------------------------------------------
واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد
_______________________________________________

مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته
_______________________________________________

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.
***********************************************

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."
***********************************************

مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب
***********************************************
واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول."
***********************************************
توأم بيقول لأخوه التوأم وهو متنرفز إنت كنت فين ياعم أمك حمتنى مرتين
***********************************************
مرة ولد صغير سأل والده: باب انت جبتني ازاي؟ قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة وجدناك. ففكر الابن فيها "إيه لو أبقي أب من الأن" فجاب شوية سكر و وضعهم تحت السجادة صحي تاني يوم وجد صرصور فقال:"لو ماكونتش ابني انا كنت قتلتك."
***********************************************
تلميذ أحول بيكتب حلو قوى ..ولكن فى كراسة زميله ..الأبلة قالتله لو ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة فتحها واكلها للى جنبه
***********************************************
ولد بيقول لابيه عايزة2جنية علشان رايحة عند محمدين فقال الاب تاخد جنية وتروح عند محمد
***********************************************
واحد فشار اوي جاله واحد صحبه قعد يقوله امبارح جالي ابو لهب و حنظله و كنا بنتغدا مع بعض قاله يا عم انت هتشتغلني قاله و هشتغلك ليه امبارح كنا على طرابيزه واحده صحبه كان هيتجنن المهم نزل من عنده لقى ابن الراجل قاله صحيح الكلام ده قاله كلام ايه يا عمو قاله ابوك امبارح جاله ابو لهب و حنظله وكانو بيتغدو مع بعض؟ قاله بصراحه يا عمو مش عارف بس انا امبارح لقيت موكب من كام ناقه كده وكان مكتوب عليهم ملاكي قريش
***********************************************
مرة بنت قالت لامها : هو السمك بياكل سردين؟ قالت ا يوة قالت لها : ازاي بيفتح العلبة؟؟
***********************************************
مدرس انجليزى بيسأل تميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.
***********************************************
واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى
***********************************************
مرة ولد صغير راح لجارته وطلب منها انها توريه لسانها فسألتة ليه: فقالها عشان ماما بتقول ان لسانك زي العقربة
***********************************************
مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ
***********************************************
مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت
***********************************************
مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه
***********************************************
مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك
***********************************************
واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد
***********************************************
مرة واحد محشش لقي كنز قال: كويس فاضل الخريطة!!
***********************************************
مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين...قالوله لقينك يا عم طول الطريق عمال تشد فيه مش عارف تخلعه قولنا نشلهولك
***********************************************
إتنين أغبية إشتروا حصانين وعاوزين يفرقوهم عن بعض راح الأولاني قطع ديل حصانه وقال لزميله أنت حصانك ديله مش مقطوع قاله لا مش باينه، راح شوية ورجع راح قاطع رجل حصان زميله وقال له حصانك رجله مقطوعة قال له لا مش باينه، راح قاطع راس حصانه ورجع قاله حصانك راسه مش مقطوعة قاله بيتهيألي أوضح حاجه إن حصانك بني وحصاني أبيض
***********************************************
مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت
***********************************************
مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما
***********************************************
مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى
***********************************************
واحد راح يشتري عربية .لقى كل العربيات غالية عليه.بعدين لقى عربية قديمة و عليها تراب كتير بس سعرها مناسب.صاحب المحل قال له العربية دي فيها ميزة هايلة.بص كدة ..وقام مسح بإيده التراب اللي عليها قام طلع منها عفريت .قال له :شبيك لبيك تطلب إيه؟ قال له هات شاي للبيه حالاً..في لحظة كانت كباية الشاي قدام الراجل .قام اشترى العربية فوراً و ساقها و طلع بيها على حتة أرض فاضية و قام نزل و مسح التراب اللي علي العربية. قام طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب تنس و..... قام العفريت قال حيلك حيلك إنت فهمت غلط .. أنا شاي و قهوة بس .
***********************************************
مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض"
***********************************************
واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل."
***********************************************
مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن"
***********************************************
احد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق
***********************************************
بعد بحث دام عدة سنوات وقف العالم أمام حشد كبير من الناس ومن بينهم علماء العالم :وأخيراً وبعد عدة سنوات إليكم ما توصلت إليه وضع العالم على منضدة أمامه عنكبوتاً ثم قال للعنكبوت : امش للأمام خطوتين ،ففعل العنكبوت ثم قال :ارجع للخلف خطوتين ، ففعل العنكبوت ذلك ثم أخذ العنكبوت وخلع يديه ورجليه كلها ، ثم وضعها على المنضدة مرة أخرى وقل : امش للأمام خطوتين ،فلم يفعل العنكبوت ثم قال مرة أخرى : امش للخلف خطوتين ،فلم يفعل ذلك أيضاً وهنا نظر العالم للجمهور بكل ثقة وافتخار وقال :أرأيتم ذلك ،هذا ما توصلت إليه ،بأن العنكبوت إذا فقد أرجله يفقد حاسة السمع.
***********************************************
واحد ندل قعد يتحايل على حبيبته علشان تخرج معاه لمده سنه ولما وافقت راح قال لابوها
***********************************************
مره واحد عنده مزرعه فراخ وكانت فشله جدا راح لمهندس زراعى قاله انا مش عارف ازرع الفراخ قاله ليه قاله زرعتها من رجليها مطرحتش زرعتها من جناحها مطرحتش زرعتها من دماغها مطرحتش المهندس قاله هات عينه من الارض
***********************************************
واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع
*

حلويات.....وااااااااااااااااو

2009-04-18T06:51:00.000-07:00

مين مش بيحب الحلويات و الشوكولاتة

انا بقى بعشق الحلويات عشق الصعيدى للمش

و ممكن افطر اى حاجة حلوة جدا على الريق

جايبالكوا بقى شويه صور جنان

عملولى تاج .... انا ماليش دعوة انا بسمع الكلام

2009-04-15T12:30:00.000-07:00

اسمك؟

MISS_ROODY

المشهور بيه وسط اصحابك؟

روودى

توتا

بنوتة

دودى

سنك؟

والله انا عشت 16 سنة شوفوا بقى انا عندى كام سنة

مجال دراستك؟

اعدى الامتحانات ازاى(ماليش طموح حاليا)

اسم مدونتك؟

ميس روودى

صورتك الرمزية فى المدونة بتعبر عن ايه؟

بنوتة صغيورة عندها احلام نفسها تحققها فى رضا ربها و اهلها و تخش الجنة

متاملة ساعات عندها يأس بس بيروح لحاله

هل فكرت فى اغلاق المدونة ؟ والسبب؟

لع لسه مافكرتش

إيه رأيك لو حد قل أدبه في تعليق؟

ماعردش عليه واصل و اسيبه يطلع الكبت اللى عنديه

اسوأ مدونه؟

اى مدونة صاحبها فاضى بيقول كلام فاضى مش فى المليان

هيحصل ايه للايميل بعد ماتموت؟

هاوصى ام البنات عليه تكتب فى زى ماكنت بكتب لعله ينفع و يكون ثواب ليا يقينى شر ما عملت

اديت الباسوورد لحد قبل كدة؟

ايون اكيد...لام البنات امى الثانية و حبيبة قلبى هى اللى عملالى المدونة اساسا

السفر بالنسبة لك ايه؟

نووووووووووم......راحة و تكبير دماغ و استرخاء

لموود بتاعك ايه ؟

اكتئاب سعادة وقتية والله الترموستات مش راضى يتظبط

تعمل ايه فى وقت فراغك ؟

نت نت نت نت نت ...........ممكن الون

لأكلة المفضلة ؟

البيتزا و المكرونة و اكيد بلا شك الشوكولاته انا مدمنة ممكن اكل 4 ورا بعض و ماحسش بالذنب انا قريب هاخش مصحة لعلاج ادمان الشوكولاتة

الصفات التى اخذتها من والدك؟

تكبير الدماغ و الروقان

الصفات التى اخذتها من والدتك؟

الصبر

اكتر ست حاجات بتكرههم ؟

المنافق

اليهود

الامريكان

المرتد

الكداب

الظالم

اكتر ست حاجات بتحبهم ؟

6 برده ماشى ماشى

ربنا

الرسول(ص)

امى و ابى

اهلى و اصحابى

و اى حد مسلم مش بكره و الداعى لدين الله

شخصيتك نوعها ايه ؟

كثيرة التردد خجوله جدا

لماذا دخلت عالم التدوين من الاساس؟

ماما ام البنات هى السبب و حسيت انى بفضفض و ماحدش هايسكتنى و مافيش اللى اخاف

اقول حجاة قدامه و بحس انى فيها لوحدى

احلى جملة قيلت فى وصف مدونتك؟

مممممممممم..........ماعرفش

بس اللى يخش يقولى انى بكتب حلو و اسلوبى جميل انا ماعرفش بقة هو ده

احلى بوست كتبته؟ ضع اللينك ثم اذكر لماذا؟

موضوع النفاق انا حبيته لانى كنت حساه اوى

http://missroody.blogspot.com/2009/01/blog-post_30.html

افضل مدونة قرأتها؟افضل بوست قرأته؟

كل المدونات جميلة لان اصحابها بيكتبوا من القلب من غير نفاق ولا كدب

وانا لسة جديدة ماعنديش خبرة اميز بين الحلو والوحش

الشغل بالنسبة لك ايه؟

مهم و مفيد للست لو ماكنش يتعارض مع واجباتها كزوجة او كربة منزل

و اكيد للرجل مهم بس المراة العملة طالما بتحترم دينها و تصونه و مابتعملش اى حرام و

عارفة واجباتها خلاص انا معاه

الانترنت بالنسبة لك ايه ؟

مكان بتتلاقى فى افكار الناس و بيتعلموا من بعض

احلى مكان

تمرر التاج ده لمين ؟

ام البنات

مستكة

امى....دائما فى قلبى

2009-03-21T13:47:00.000-07:00

امى: ياااااه كلمة كبيرة اوى

عدد حروفها 3 بس معناها لو اتكتب فى مجلدات مش هايكفيها

الام هى اغلى ما يمكن الانسان انه يحصل ليه

بجد الله يكون فى عون اللى ماعرفش يعنى ايه ام و اتحرم منه

و بحمد ربنا كل يوم و كل دقيقة و كل ثانية انه رزقنى بامى الغالية عليا اوى

و بساله انها يديم النعمة ده و يطول فى عمرها و يقدرنى انى ارد جميلها و ابرها و ادخلها الجنة

لانها تستحق اكتر من كده

قد ايه كانت بتسهر لما بكون تعبانة

اوى تفضل طول اليوم قلقانة لو خرجت من البيت و لو هاغيب 10 دقائق او لو حتى عارفة انا رايحة فين حتى لو المدرسة

قد ايه متفانية و مضحية لاقصى درجة للتضحية و لا يمكن توجد صفة الانانية فى الام ابدا

انا عمرى ما هاعرف احساس الام ايه غير لما ابقى ام بس انا اقدر اقول انها لو بايديها تحطنا فى قمقم و تقفل علينا و تخلينا فى حضنها عشان نفضل فى امان كانت اكيد عملت كده

مين منا مابيتمناش عمره يرجع لورا شوية و يصحح كل اخطاءه مع امه و يبرها لاقصى حد؟

مين فينا مش ندمان على كل مرة زعلها و او اتنرفز عليها او ماسمعش كلمها او او او..........

البوست ده اقل القليل اللى ممكن اقدمه لها من اللى ليها عليا مع انها لو عرفت تقول انه هى مش مستنية مقابل ولا انه فى دماغها اساسا

ماما حبيبتى :

"انا اسفة لو كنت فى يوم ضايقتك من غير ماقصدو اسفة لو كنت ماسمعتش كلامك فى مرة ,يا رب يخليكى ليا يا عمرى و حياتى كلها و يقدرنى و اقدر اقدم جزء بسيط من حقوقك عليا

ربنا يخليكى ليا"

احلى ايام.........

2009-03-18T07:24:00.000-07:00

كل ما اشوف حد كبير و متجوز او حتى خلص تعليمه الاقيه يقولى (يا سلاااااام ده انتو ايامكم ده احلى ايام)

طبعا انا ازبهل و اقوله ازاى يعنى احلى ايام

ده بقى على اساس الجغرافيا اللى هى شبه بتتكلم عن كوكب تانى

و الا التاريخ اللى لسة ما حصلش

ولا العربى اللى نحو فيه بنسميه نحس مش نحو

يقولى لا بس الدراسة ده احلى مرحلة فى حياتك

هو انتى وراكى ايه تشيلى همه غيرها؟؟؟

والله ده منطق

و فعلا وانا قاعدة سرحت شوية كده و افتكرت اللى كنا بنعمله فى المدرسين حاجات بقى بتاعت الايام ده

اولا و ده الطبيعى فى شلة المتمردين او بمعنى اصح(العيال الروشة الجامدين)

اللى لا بيهمهم تهزيء ولا ضرب من الاخر جبلااااااات

هما دول بقى ال popular وطبعا دول نص المدرسة صحابهم

المهم فى واحدة منهم كانت صحبتى و احنا فى ابتدائى انتمتى يعنى بس الحمد لله مابقناش اصحاب

ده ما بتحبش تقول سورىsorry

هى بتقول انا مابقولش اسفة يعنى ماعندهاش اعتذار

البنت ده دايما تحب عكس اللى يقولوه فى المدرسة

يعنى ممنوع الكوتش تيجى تانى يوم بيه عااادى(والله و انا كمان اصلها تحكمات بايخة)

لكن مش لوحدها طبعا ده غير الكراسات الفاضية و المذاكرة اللى هى مستواها عندها صفر صفر صفر

و طبعا الشلة كلها معاها و تيجى اخر السنى يا دوب تيجيب مجموع النجاح او اكتر حبة

دول بقى كنت زمان نفسى ابقى منهم روشين و جامدين و محبوبين

ماعادا الجزء الخاص بالطرد و التهزيء و الشتيمة

المهم نيجى بقى للى بنعمله فى المدرسة

اولا:دايما اعمل عكس اللى يطلوبوه

يعنى لما يقلوا بكرة تيجوا بالزى كامل لغازم نيجى و اللبس فيه حاجاة غلط

لو قالو هاتوا فلوس لتبرعات او حتى مصلريف بندفع بعد ماكل مدرسة تكون معاها مستحلب للزور

لو زعقوا عشان المونيكير تلاقى 3\4 الفصل حاطط مونيكير الوان فاقعة بامبة احمر و ممكن اسود و بنى المهم يكون باين

ثانيا: من حقك تعترضى لما الكلام مايعجبكيش

و غالبا بيكون طول السنة الاعتراض لان كل حاجة مش عاجبانا

ثالثا : العمل على انفجار نفوخ المدرسة و اسداد الاذن الوسطى مما يؤدى الى طلوع بخار من فتحات التهوية فى الراس و احمرار الوجه نتيجة لتدفق الدم الكثيف لاطفاء الحريقة و ده بعد ما تستنفذ كل جهودها الحضارية فى تسكيتنا

اخيرا : المحافظة على الهدوء و التناحة فى الفصل و خاصة مع المدرسين العصبيين و فى بعصض الاحيان اللجوء الى رسم وش البراءه و تسحى دمعتين يقوم يسامحك ههههههههههههههههههههههه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

باتباع النصائح ده هايكون فى ظرف خمس سنين ان ماكنش اقل التعليم فى بلدنا هاينهار و احتمال المدارس تقفل

نيييييييييييييييييييييييييهههههاااااااااا

كفاااااااااااااااااااااية ...... احنا ولادكم بنقولكوا كفاية

2009-02-10T07:35:00.000-08:00

بجد مش عارفة اكتب ايه

انا متضايقة الموضوع فى دماغى بس انا مش عارفة اكتبه

ساعات بتحس ان مكانك مش فى الدنيا و ان وجودك كان اجبارى ليك

انا بحس كده انا جيت الدنيا و مش بارادتى بارادت حد تانى هما اللى يقرروا و طبعا ربنا اللى بيرزق

بس ببقى قرفانة من حياتى و مش ببقى عايزة اقعد فى الدنيا الوحشة ده

اى اتنين بيتجوزوا بيكونوا على استعداد لتكوين اسرة و بيبقوا حاطين فى تارتيبتهم ان فى مشاكل اكيد هاتقابلهم نتيجة اختلاف الشخصيات و الميول و كمان صعوبات الحياة التى لا تنتهى صح؟

ماااااشى.

بس لما يبقوا عارفين كدة لازم برده يبقوا عارفين اذا كانوا هايعرفوا يعيشوا مع بعض ولا لا

يمكن تقولوا انى عيلة و لسة صغيرة و بحكم على المشاكل ده من منطق الصغيرة اللى مش فاهمة حاجة

بس هم عملوا فترة الخطوبة ليه عشان اللى فى طبع يطلع و نبقى على نور من اولها و ماحدش يحس انه اتاخد على خوانة ولا انه اتكعبل فى الجوازة.

لكن فى الخطوبة تلاقى كل واحد عايز يبين كل ماهو جميل و يحاول يدارى عيوبه و تلاقى اتنين بقالهم 5 سنين خطوبة و يتجوزوا و يتفاجاوا بحاجت غريبة امال لو ماكنتوش بقالكوا 5 سنبن خطوبة كان ايه حصل؟؟؟؟؟!!!!!!!!!

طاااايب اتجوزوا والفاس وقعت فى الراس

ننقذ ما يمكن انقاذه بقى ولا هو موت و خراب ديار

تلاقى البيت بقى احزاب

حزب بابا و حزب ماما

هههههههههههههههههههههههههههههههه

والله حاجة تضحك لا ده تفطس من الضحك

كل و احد حاسس ان التانى بيسلط ولاده عليه

هو انتو مش كنتوا اتعاهدتوا تبنوا بيت مع بعض و تتشاركوا و تعيشوا(فى تبات و نبات و تخلفو صبيان و بنات)

الاب عايز بتحكم فى كل شىء و يبقى المسيطر الاول و الاخير

المصيبة بقى لو كل واحد شايف ان التانى هو الغلطان و انه عمره ما بيغلط و هو اللى شايل الهم و التانى ولا دارى بيه

لا و و يقينا انه هو الاحسن

طايب و الغلابة اللى فى النص اللى لا حول لهم ولا قوة و اللى مجبرين على الخناقات اللى كل يوم ده و على كل شىء يعملوا ايه

هما ذنبهم ايه انهم يتعبوا نفسيا فى سن صغيرة لان اهلهم مش متفقين

انا عايزة بس اوجه ندااااااااء:

الى اللى داخلين على جواز من الاخر كده مش متفقين ماتتجوزوش عشان ما تحسوش بالندم و نبقى فى امان احسن

و اللى مش قد الجواز مايتجوزش

(و كفى الله المؤمنين شر القتال)

.................!!!!؟؟؟؟

2009-01-30T09:12:00.000-08:00

عمرك حسيت انك منافق؟؟؟؟؟؟

اه منافق

يعنى بتعمل حاجة و نقيضها!!!!!

علامات تعجب كتير محدش فاهم ايه اللى بقوله ده صح

اصلى ساعات بحس انى منافقة بصلى و اسمع اغانى

بصوم و اشتم -بدعى ربنا و انا قلبى مش صافى و مش خالص لله و فيه حاجة تانية شاغلة قلبى ده نفاق برده

احساسا وحش اوى انك تكون منافق و متضايق مين عايز ربنا يقبل دعوتك و انت مش بتعبده حق عباده العباده اللى يستحقها بعد كل النعم ده اللى ربنا رزقك بيها

شوف\شوفى كام حاجة بتعملها غلط فى حياتك و تيجى تدعى ربنا مايستجبش

كام مرة شتمت ابنك او بنتك او طول عمرك كنت سليط اللسان و دعيت ربنا و سالت نفسك ليه ربنا ماستجبش

طول عمرك منتظم فى الصلاة بس فى حاجة فى قلبك شغلاك عن حب ربنا الخالص ليه وحدة لا شريك له

ياللى خليت السيجارة الهك و مابقتش تقدر تشتغنى عنها

و عشانها اتخليت عن صحتك (اللى نعمة نت ربنا برده)و عن صحة ولادك و عن مالك اللى بيتحرق مع كل سيجارة

و تكون بتصلى بس حاسس بضيق و تسال ليه ماتعرفش جواب اعرف ان قلبك فى حد شاغله غير ربنا

انا كمان مش بعفى نفسى من الغلط انا اكيد بغلط و بعمل حاجات و نقيضها

نفسى ربنا يقبل توتبتى نفسى ابطل اعمل الصغائر عشان يقينى ربنا الكبائر و عشان ماتبقاش كبائر

الى عشاق الشوكولاتة زى حلاتى

2009-01-02T15:54:00.000-08:00

تاملات...........

2008-12-30T08:24:00.001-08:00

كنت اجلس على مكتبى الذى يوجد امام نافذة الغرفة ادرس فقد اقتربت الامتحانات جدا و انا لم انه دراستى

و بينما انا ادرس تلفتت لارى نجم فى السماء

يبدو من بعيد ضئيل صغير تكاد تراه يضوى

و كانت السماء بها بعض الغيوم فتحركت تلك الغيوم بهدوء لتغطى ذلك النجم الصغير البعيد و انا لازلت انظر اليه بالرغم من انه قد اختفى وراء تلك الغيوم الا انى ظللت انظر اليه حتى ظهر مرة اخرى

و بدا يزداد ضؤه شيئا فشيئا و كانك تزيح الستار عن ضوء مشع

فيظهر برويه و يزداد ضوءه كلما زحت الستار

كل هذا يحدث و انا اتامل هذا النجم و اردد سبحان الله

سبحان الله الذى جعل هذا النجم بعيدا حتى لا يؤذينا و نحن لا نذكره

سبحان الله ان هذا النجم يظهر صغيرا و هو يمكن ان يكون اكبر من حجم الشمس آلاف المرات و نحن لا نسبحه و نحمده

الم يكن قادرا ان يجعله قريب

ان يجعل ضؤه مشع لا تقدر ان تنظر اليه و يحرق جلدك

ولكن سبحان الله الذى قدر كل شىء بحساب و خلق السماوات و الارض بالحق
{ و ما خلقنا السماوات و الأرض و ما بينهما لاعبين}

اليس من الواجب علينا ذكر الله فى كل وقت فى كل ساعة و دقيقة

اذا تاملت فى خلق الله

لوددت لو ان تكون كل لحظة من عمرك ذكر الله

قلك ......كل سنة و انت طيب

2008-12-21T04:37:00.000-08:00

فى عيد ميلادك كل الناس بتقولك كل سنة و انت طيب

طبيعى جدا ماااشى خير طبعا هاتكون فرحان و مزقطط

النهارده عيد ميلادك يا سلام احلى يوم فى حياتك اكييييد

بس انا رايى مختلف!!!!!!

انا سمعت الشيخ خالد الجندى بيقول:ازاى تحتفل بيوم فات من عمرك فيه سنة؟؟

الصراحة الراجل كلامه مقنع

انت يوم عيد ميلادك مش عمرك بيزيد سنة لا لا عمرك بيقل سنة

و كل سنة من عمرك بتفوت صعب ترجعها تانى ده الدقيقة استحلة ترجع مابالك سنة؟؟؟

بس يوم عيد ميلادك لازم تسال نفسك سؤال

هل السنة اللى عدت من عمرى كسبتها ولا خسرتها؟؟؟

فوتت على نفسى فرصة انجو من النار ولا اغتنمت الفرصة ؟؟؟

انت و انا و كلنا يوم عيد ميلادنا نكون فرحانين

مااااشى......بس كما لازم نزعل لو كنا فوتنا السنة ده كده

مين عارف مش يمكن ماعيشش عشان اعدى سنة كمان

انا كمان اكيد ضاع منى كتير من الايام و الوقت بس لازم نفوق ونعرف ان اللى فات اللى جاى مش قده و اللحظة من عمر البنى ادم مش بترجع تانى.

شوف بقى كام سنة من عمرك عدت و انت بتحتفل بيها بدل ما تبكى عليها

انا مش قصدى اضايقكم ولا افول على اللى هايقرو الرسالة ده و يكون عيد ميلادهم يومها او قريب بس انا بنصحك

اكسب السنة ده قبل ماتعدى عليك و ساعتها هاتتمنى لو انك لم تولد من الاصل عشان ماتفوتهاش

(اسفة لو كنت نكدية و ربنا يجازينا على نيتنا)

كل حاجة الموبايل...

2008-12-20T10:00:00.001-08:00

الموبايل....الموبايل

الموبايل كل حاجة فى حياتنا ,لازم نعترف ان احنا مانقدرش نبعد عنه و نستغنى عنه

طبعا كلنا بنستخدم الموبايل ده يمكن فى تلت اربع حياتنا

ده حتى لغى صلة الرحم!!!!!

اه لغاها اى واحد حب يسال عن امه او ابوه برنة واحدة يعرف اخبارهم ايه

اه طبعا ده تكنولوزجيا و تطور و بتساعد فى الوقت اللى احنا عايشينه و انا عن نفسى ماقدرش استغنى عنه و ده اعتراف

لكن برده انك تزور حد غير انك تكلمه

طيب بذمتك لو واحد جه يزورك احسن؟؟؟ولا اللى يكلمك فى الموبايل مكالمة نص دقيقة ولا ايه بيوفر فى الرصيد؟؟؟؟؟

ههههههه,طبعا انا من اكتر الموفرين فى الرصيد لانى مش بشحن غير ب10 جنيه و مش كل شهر

لكن انا اقصد ان الموبايل بقى بيمثل جزء كبير من حياتنا دلوقتى

انا مثلا:ماقدرش اخرج من بتنا غير و انا معايا الموبايل

طيب ليه؟؟ فرضا انهم ماخترعوش الموبايل اساس كانت حياتنا هاتتاخر

كمان دلوقتى الموبايل بيستخدموه عشان يطنشوا بعض

تلاقى الواحد قافل موبايله عشان محدش يكلمه ولا يعرفله طريق طيب امال جايبه ليه؟؟؟؟؟

و كل الامثلة ده و غيرهاكتير ماتنفيش ان فيه ناس بتستخدمه فعلا استخدام سليم و فعلا محتاجاه

انا بعترف انى ساعات مش بحتاجه و ساعات مش بحتاجله بالمرة لكن ساعات بقول ازاى ابقى وسط اصحابى ماعنديش موبايل يعنى منظرة

بجد بقى اللى بيضايقنى,تلاقى واحد كحيان و مش لاقى اللضل و معاه موبايل بالفين جنيه يعد يحوشله بس مايحوش لشقة ولا لجهاز يتجوز بيه وهو مش لاقى ياكل و ماسك موبايل اد مرتبه ولا ماهيته 16 مرة

طيب ليه انت اولى بالفلوس ده من انك تحطها فى جهاز لو باظ هاتصرف على تصليحه قد تمنه و ساعتها تقول ماعيش فلوس

غير بقى المضار اللى بيسببها الموبايل لجسم الانسان إذ تم اكتشاف أضرار يسببها المحمول عبر التعرف على التغيرات البيولوجية التي تحدثها إشعاعات الهاتف في أداء خلايا الجسم وقال دريوز ليسينسكي خبير الأشعة وأحد المعنيين بهذه الدراسة إن الإشعاعات الصادرة عن المحمول تؤثر بشكل أو بآخر على نظام البروتين (فامنتين) الموجود في خلايا جسم الإنسان مما يعرض هذه الخلايا لتغيير طريقة عملها وفاعليتها.

ده بس جزء صغير من اللى مكتوب انا بس حبيت اوضح مدى تأثير الموبايل علينا

معلش طولت عليكو بس بجد كان نفسى تعرفو الحقيقة ده

انا جيييت....و هادون

2008-12-20T07:30:00.001-08:00

انا جيييت.....ازيكم

انا رضوى و انا جاية ادون عندكم لو مش هايزعجكم

و يا رب يا رب اكون مدونة شاطرة و اقدر اوصل الرسالة اللى انا عايزه

اوصلها.

ان شاء الله اكون عند حسن ظنكم